Siboru Jongjong Anian Siboru Tibal Tudosan
ᯘᯪᯅᯬᯒᯮ ᯐᯬᯰᯐᯬᯰ ᯀᯉᯪᯀᯉ᯲ ᯘᯪᯅᯬᯒᯮ ᯖᯪᯅᯞ᯲ ᯖᯮᯑᯬᯘᯉ᯲
ᯔᯔ᯲ᯅᯞ᯲ ᯉ ᯘᯅᯪᯖᯪᯘ᯲ ᯎᯀᯮᯰ ᯉ ᯘᯅᯬᯖᯬᯂᯬᯉ᯲. ᯂᯖ ᯉᯪ ᯖᯮᯒᯪᯖᯮᯒᯪᯀᯉ᯲ ᯇᯎᯬᯑᯰᯎᯬᯑᯰ ᯑᯬᯂᯬᯉᯬᯉ᯲
ᯉᯀᯮᯰ ᯇᯒ᯲ᯘᯑᯒᯪᯀᯉ᯲ ᯐᯮᯔᯑᯪ ᯇᯒ᯲ᯘᯖᯀᯬᯉᯉ᯲ ᯉᯀᯮᯰ ᯇᯒ᯲ᯘᯖᯀᯬᯉᯉ᯲ ᯐᯮᯔᯑᯪ ᯇᯒ᯲ᯘᯖᯬᯰᯄ᯦ᯪᯉᯉ᯲
ᯀᯘ ᯀᯑᯬᯰ ᯔ ᯉ ᯅᯘ ᯤᯝᯉ᯲ , ᯉ ᯅᯘ ᯤᯝᯉ᯲ ᯀᯬᯉ᯲ᯖᯩᯰ ᯔᯮᯞ ᯉᯪ ᯥᯖᯪᯥᯖᯪᯀᯉ᯲ ᯔᯮᯞ ᯉᯪ ᯥᯐᯒᯮᯐᯒᯉ᯲ ᯖᯒᯪᯝᯬᯖ᯲ ᯖᯮ ᯖᯮᯰᯎᯞ᯲ ᯇᯉᯞᯮᯀᯉ᯲
ᯑᯪ ᯉ ᯘᯑᯒᯪ ᯅᯬᯒ᯲ᯂᯖ᯲ ᯔ ᯤᯉᯉ᯲ᯖ ᯇᯘᯪᯀᯒ᯲ ᯀᯅᯮ (ᯇᯮᯇᯮᯄ᯦᯲ ᯖᯮ ᯅᯬᯉᯰᯅᯬᯉᯰ) ᯉ ᯔᯒᯩᯉ᯲ᯑᯩ ᯑᯪ ᯑᯬᯞᯬᯄ᯦᯲ᯑᯬᯞᯬᯄ᯦᯲ ᯉ ᯔᯝᯉ᯲ᯑᯮᯝᯉ᯲ᯑᯮᯰ ᯑᯪ ᯂᯬᯞ᯲ᯅᯮᯰ
ᯑᯮᯰ ᯘᯂᯖ᯲ ᯉᯘᯪᯑ ᯖᯮ ᯂᯒᯝᯉ᯲ ᯑᯪᯤᯑ ᯔ ᯘᯑ ᯂᯥ ᯖᯮᯀᯞᯰ ᯉ ᯅᯬᯞᯬᯉ᯲ ᯂᯀᯮ ᯘᯪᯞᯉ᯲ᯐᯰᯞᯉ᯲ᯐᯰ ᯂᯥ ᯘᯪᯞᯉ᯲ᯐᯮᯰᯞᯉ᯲ᯐᯮᯰ ᯀᯞᯤ ᯀᯪᯉ᯲ᯑᯰ ᯔᯒ᯲ᯑᯰᯄ᯦ ᯀᯞᯤ ᯔᯒ᯲ᯅᯮᯞᯮᯰ
ᯑᯮᯰ ᯤ ᯑᯪᯇᯅᯬᯀ ᯔ ᯤ ᯖᯮ ᯤᯉᯉ᯲ᯖ ᯘᯪᯅᯘᯬᯅᯬᯞᯬᯉ᯲ ᯅᯬᯒᯮ ᯘᯪᯅᯘᯬ ᯅᯬᯀᯅᯬᯀ ᯔᯖ ᯀᯪᯉ᯲ᯖᯉ᯲ ᯇᯉᯪᯎᯖᯪ ᯇᯒᯞᯔᯖ᯲ ᯇᯉ᯲ᯑᯰ ᯖᯬᯒᯮᯘ᯲ ᯤᯔ ᯘᯪᯅᯬᯖᯬ ᯂᯞᯄ᯦᯲ ᯎᯅᯩ ᯘᯪᯅᯬᯖᯬ ᯂᯞᯄ᯦᯲ ᯔᯔᯬᯒ
ᯑᯮᯰ ᯤ ᯞᯂᯬ ᯔ ᯤᯉᯉ᯲ᯖ ᯘᯪᯅᯘᯬᯅᯬᯞᯬᯉ᯲ ᯖᯮ ᯖᯬᯔᯅᯄ᯦᯲ ᯉ ᯞᯪᯔᯮᯖᯬᯉ᯲ , ᯖᯮ ᯂᯒᯝᯉ᯲ ᯒᯮᯔ᯲ᯅᯮᯉ᯲ ᯒᯩᯀ . ᯑᯪᯤᯑ ᯔ ᯖᯮᯖᯮ ᯂᯥ ᯖᯮᯀᯞᯰ ᯉ ᯅᯬᯞᯬᯉ᯲ ᯤ . ᯑᯮᯰ ᯤ ᯑᯪᯖᯞ᯲ᯞᯪᯄ᯦᯲ ᯔ ᯎᯅᯩ ᯔᯒ᯲ᯔᯮᯑᯒ᯲ ᯘᯬᯝᯬᯉ᯲ ᯔᯮᯑᯒ᯲ ᯉᯪ ᯐᯬᯞ᯲ᯔ . ᯅᯂ᯲ ᯉ ᯀᯘᯪᯰ ᯔ ᯀᯬᯉ᯲ ᯀᯔᯰ ᯉᯪᯉ᯲ᯉ
ᯑᯪᯇᯅᯬᯀ ᯔ ᯤ ᯖᯮ ᯑᯖᯮ ᯇᯰᯎᯉᯎᯉ , ᯑᯖᯮ ᯇᯰᯎᯮᯉᯮᯝᯮᯉᯮ , ᯑᯪᯅᯬᯖᯬ ᯔᯔ᯲ᯅᯂᯩᯉ᯲ ᯥᯞᯮ . ᯑᯮᯰ ᯤ ᯑᯪᯎᯉ ᯑᯖᯮ ᯤ ᯂᯥ ᯤ ᯘᯮᯔᯉ᯲ ᯘᯬᯝᯬᯉ᯲ ᯐᯬᯞ᯲ᯔ
ᯞᯩᯞᯩᯰ ᯔ ᯑᯪ ᯇᯒ᯲ᯞᯩᯞᯩᯝᯉ᯲ , ᯞᯞᯇ᯲ ᯑᯪ ᯇᯒ᯲ᯞᯞᯇᯉ᯲ ᯑᯪ ᯖᯬᯔ᯲ᯅᯄ᯦᯲ ᯉ ᯞᯪᯔᯮᯖᯬᯉ᯲ ᯑᯪ ᯂᯒᯝᯉ᯲ ᯒᯮᯔ᯲ᯅᯮᯉ᯲ ᯒᯩᯀ ᯤ . ᯐᯮᯔ᯲ᯇᯰ ᯔ ᯑᯪ ᯖᯪᯰᯄ᯦ᯪᯉ ᯎᯅᯩ ᯂᯮᯔᯮᯘᯬᯒ᯲ ᯔ ᯔᯖᯉ , ᯔᯝᯮᯅᯪᯖ᯲ ᯅᯅᯉ .
ᯒᯬ ᯔ ᯅᯀᯬᯀ ᯇᯝᯞ᯲ᯞᯮᯰ ᯉ ᯔᯔᯬᯞᯮᯘ᯲ ᯘᯪᯀᯉ᯲ ᯤ , ᯑᯪᯀᯬᯘᯬᯘ᯲ ᯔ ᯀᯀᯩᯄ᯦᯲ ᯉᯪ ᯇᯒ᯲ᯅᯮᯀᯩ , ᯑᯪᯖᯩᯖᯩᯄ᯦᯲ᯂᯬᯉ᯲ ᯔ ᯖᯮ ᯅᯅ ᯉᯪ ᯂᯥ ᯉ ᯎᯪᯉᯉ ᯤ
ᯘᯪᯀᯉ ᯤ ᯒᯬ ᯔ ᯤᯉᯉ᯲ᯖ ᯅᯬᯒᯮ ᯘᯪᯅᯘᯬᯅᯬᯞᯬᯉ᯲ ᯔᯒ᯲ᯇᯪᯰᯄ᯦ᯪᯒ᯲ ᯔ ᯤᯅᯉ , ᯎᯅᯩ ᯑᯪᯀᯞᯇ᯲ ᯔ ᯔᯮᯘᯩ ᯑᯖᯮ ᯇᯝᯅᯝᯅᯰ , ᯇᯒ᯲ᯖᯀᯬᯀᯒ᯲ ᯇᯝᯮᯅᯮᯝᯮᯅᯮᯰ , ᯘᯪᯇᯝᯬᯞᯮ ᯉᯀᯮᯰ ᯔᯖᯩ ᯘᯪᯇᯒᯖ ᯉᯀᯮᯰ ᯅᯮᯘᯮᯄ᯦᯲ . ᯑᯪᯑᯀᯪᯘ᯲ᯂᯬᯉ᯲ ᯖᯀᯬᯀᯒ᯲ᯉ ᯤ ᯎᯅᯩ ᯖᯒ᯲ᯐᯬᯞ᯲ᯔ ᯔ ᯂᯥ ᯖᯮᯀᯞᯰ ᯉ ᯅᯬᯞᯬᯉ᯲ ᯤ
ᯐᯑᯪ ᯑᯮᯰ ᯎᯅᯩ ᯐᯬᯞ᯲ᯔ ᯐᯞ ᯔᯒ᯲ᯒᯮᯇᯂᯬᯉ᯲ ᯅᯬᯒᯮᯅᯬᯒᯮ , ᯎᯮᯞᯮᯖ᯲ ᯔ ᯉᯘᯪᯑ ᯉᯀᯩᯰ ᯔᯘᯪᯖᯬᯑᯬ ᯑᯪ ᯤᯅᯉ :
1. ᯅᯬᯒᯮᯰᯂᯮ ᯑᯬ ᯤ ᯉᯪᯉ᯲ᯉ ᯇᯒ᯲ᯖᯀᯬᯀᯒ᯲ ᯇᯝᯅᯝᯅᯰ ᯇᯒ᯲ᯖᯀᯬᯀᯒ᯲ ᯇᯝᯮᯅᯮᯝᯮᯅᯮᯰ ᯘᯪᯇᯝᯬᯞᯮ ᯉᯀᯮᯰ ᯔᯖᯩ ᯘᯪᯇᯒᯖ ᯉᯀᯮᯰ ᯅᯮᯘᯮᯄ᯦᯲ , ᯀᯞ ᯖᯀᯬᯀᯒ᯲ᯂᯮ ᯑᯬ ᯤ ᯀᯮᯔ᯲ᯅᯂᯩᯉ᯲ ᯖᯒ᯲ᯐᯬᯞ᯲ᯔ
2. ᯀᯪᯉ᯲ᯑᯰ ᯅ ᯅᯬᯒᯮᯰᯂᯮ ᯑᯬ ᯤ ᯉᯪᯉ᯲ᯉ ᯅᯀᯬᯀ ᯇᯝᯞ᯲ᯞᯮᯰ , ᯀᯞ ᯉ ᯂᯮᯖᯩᯄ᯦᯲ᯖᯩᯄ᯦᯲ᯂᯬᯉ᯲ ᯀᯀᯩᯄ᯦᯲ ᯉᯪ ᯇᯒ᯲ᯅᯮᯀᯩ ᯀᯮᯔ᯲ᯅᯂᯩᯉ᯲ ᯔᯰᯎᯮᯞ᯲ᯔᯪᯖ᯲ ᯐᯞ ᯎᯅᯩ ᯐᯬᯞ᯲ᯔ , ᯂᯥ ᯂᯪᯀᯉ᯲ ᯑᯬ ᯤᯅᯉ
3. ᯅ ᯤᯀᯰᯎᯬ ᯤ ᯑᯬ ᯑᯬᯂᯬᯉᯬᯉ᯲ᯔᯮ ᯉᯪᯉ᯲ᯉ ᯅᯬᯒᯮ ᯘᯪᯅᯘᯬᯅᯬᯞᯬᯉ᯲ , ᯅᯬᯒᯮᯰᯂᯮ ᯑᯬ ᯤ . ᯀᯤ ᯉ ᯂᯮᯘᯮᯒᯮ ᯑᯖᯮ ᯇᯰᯎᯉ , ᯑᯖᯮ ᯇᯰᯎᯮᯉᯮ , ᯔᯰᯎᯉ ᯂᯥ ᯖᯮᯀᯞᯰ ᯉ ᯅᯬᯞᯬᯉ᯲ ᯤ , ᯀᯮᯔ᯲ᯅᯂᯩᯉ᯲ ᯉ ᯑᯪᯖᯀᯬᯀᯒ᯲ ᯑᯬᯂᯬᯖ᯲ ᯑᯪᯖᯩᯄ᯦᯲ᯖᯩᯄ᯦᯲ᯂᯬᯉ᯲ ᯂᯔᯮ ᯀᯀᯩᯄ᯦᯲ ᯉᯪ ᯅᯬᯒᯘ᯲ ᯤ ᯖᯮ ᯂᯥ ᯉ ᯎᯪᯉᯉ ᯤ .
4. ᯑᯰ ᯅᯬᯒᯮᯰᯂᯮ ᯑᯬ ᯤ , ᯉᯪᯉ᯲ᯉ ᯑᯖᯮ ᯇᯰᯎᯉᯎᯉ ᯑᯖᯮ ᯇᯰᯎᯮᯉᯎᯮᯉ
ᯑᯮᯰ ᯤ ᯒᯬ ᯔ ᯅᯀᯬᯀ ᯇᯝᯞ᯲ᯞᯮᯰ ᯘᯪᯀᯩᯖᯩᯄ᯦ᯩᯖᯩᯄ᯦᯲ ᯎᯅᯩ ᯑᯪᯖᯪᯔ᯲ᯅᯰ ᯔ ᯇᯒ᯲ᯂᯖᯀᯉ᯲ ᯤ . ᯘᯀᯮᯖ᯲ ᯔ ᯉᯔ᯲ᯇᯮᯉ ᯅᯬᯒᯮ ᯤ ᯇᯒ᯲ᯖᯀᯬᯀᯒ᯲ ᯇᯝᯅᯝᯅᯰ ᯇᯒ᯲ᯖᯀᯬᯀᯒ᯲ ᯇᯝᯮᯅᯮᯮᯝᯮᯅᯮᯰ ᯘᯪᯇᯝᯬᯞᯮ ᯉᯀᯮᯰ ᯔᯖᯩ ᯘᯪᯇᯒᯖ ᯉᯀᯮᯰ ᯅᯮᯘᯮᯄ᯦᯲
ᯐᯑᯪ ᯘᯪᯐᯞᯬ ᯥᯇ ᯖᯮᯞᯰ ᯔ ᯑᯖᯮ ᯇᯰᯎᯉᯎᯉ , ᯑᯖᯮ ᯇᯰᯎᯮᯉᯎᯮᯉ ᯘᯮᯰᯄ᯦ᯮᯉᯬᯉ᯲ ᯅᯒᯪᯖ ᯑᯪ ᯂᯞᯄ᯦᯲ ᯞᯪᯞᯮ
ᯑᯮᯰ ᯤ ᯘᯪᯐᯞᯬ ᯥᯇ ᯇᯒᯪᯅᯉ᯲ ᯔ ᯅᯀᯬᯀ ᯇᯝᯞ᯲ᯞᯮᯰ , ᯀᯪᯉ᯲ᯑ ᯅᯬᯞᯖ᯲ ᯉᯪ ᯖᯰᯎᯬ ᯘᯬᯝᯬᯉ᯲ ᯅᯪᯅᯪᯒ᯲ ᯉᯪ ᯂᯪᯒᯰ , ᯀᯪᯉ᯲ᯑ ᯅᯬᯞᯖ᯲ ᯉᯪ ᯖᯅᯬ ᯘᯬᯝᯬᯉ᯲ ᯉ ᯔᯒ᯲ᯇᯒᯪᯅᯉ᯲ .
ᯑᯮᯰ ᯤ ᯘᯪᯐᯞᯬ ᯥᯇ ᯔᯒᯬᯒᯬᯖ᯲ ᯔ ᯅᯬᯒᯮ ᯘᯪᯅᯘᯬᯅᯬᯞᯬᯉ᯲ , ᯘᯪᯅᯬᯒᯮ ᯇᯒ᯲ᯔᯩᯔᯩ ᯘᯪᯅᯬᯒᯮ ᯇᯝᯮᯞᯬᯘᯪ , ᯉ ᯔᯩᯖ᯲ᯔᯩᯖ᯲ ᯑᯪᯀᯐᯒᯪ ᯉ ᯅᯬᯞᯬᯉ᯲ ᯑᯪᯖᯮᯖᯮᯒᯪ
ᯐᯑᯪ ᯑᯪᯇᯮᯰᯄ᯦ ᯉᯘᯪᯑ ᯔ ᯎᯬᯀᯒ᯲ᯉ , ᯑᯪᯅᯂᯩᯉ᯲ ᯔ ᯘᯪᯅᯬᯒᯮ ᯐᯬᯰᯐᯬᯰ ᯀᯉᯪᯀᯉ᯲ , ᯘᯪᯅᯬᯒᯮ ᯖᯪᯅᯞ᯲ ᯖᯮᯑᯬᯘᯉ᯲ , ᯀᯉᯪᯀᯉ᯲ ᯉᯪ ᯇᯒ᯲ᯑᯞᯉ᯲ ᯖᯮᯑᯬᯘᯉ᯲ ᯉᯪ ᯇᯒᯬᯉᯉ᯲ .
ᯑᯮᯰ ᯤ ᯑᯪᯥᯘᯮᯰ ᯑᯖᯮ ᯇᯒ᯲ᯖᯀᯬᯀᯒ᯲ ᯇᯝᯅᯝᯅᯰ ᯇᯒ᯲ᯖᯀᯬᯀᯒ᯲ ᯇᯝᯮᯅᯮᯝᯮᯅᯮᯰ , ᯘᯪᯇᯝᯬᯞᯮ ᯉᯀᯮᯰ ᯔᯖᯩ ᯘᯪᯇᯒᯖ ᯉᯀᯮᯰ ᯅᯮᯘᯮᯄ᯦᯲ ᯔ ᯘᯪᯅᯬᯒᯮ ᯐᯬᯰᯐᯬᯰ ᯀᯉᯪᯀᯉ᯲ , ᯘᯪᯅᯬᯒᯮ ᯖᯪᯅᯞ᯲ ᯖᯮᯑᯬᯘᯉ᯲ ᯖᯮ ᯂᯮᯖᯉ . ᯑᯪᯅᯂᯩᯉ᯲ ᯔ ᯤᯅᯉ ᯔᯉ᯲ᯐᯎ ᯔᯝᯪᯝᯉᯪ ᯇᯬᯒ᯲ᯞᯄ᯦᯲ ᯘᯪᯘᯬᯑᯪᯰ ᯂᯖᯮᯅᯮᯀᯉ᯲ ᯉᯪ ᯘᯪᯖᯮᯀᯉ᯲ ᯉᯪ ᯂᯮᯘ᯲ᯂᯮᯘ᯲ ᯘᯪ ᯖᯮᯀᯉ᯲ ᯉᯪ ᯀᯝᯮᯒ᯲ , ᯔᯮᯞ ᯉᯪ ᯇᯮᯞᯮᯰᯇᯮᯞᯮᯰ ᯉ ᯐᯑᯪ ᯖᯀᯬᯀᯒ᯲ (ᯇᯎᯒ᯲) ᯔᯮᯞᯐᯑᯪ ᯉ ᯅᯬᯞᯬᯉ᯲ .
Komentar
Posting Komentar